236
REGISTRES DU BUREAU
[i 553]
"Le landemain dimanche, au matin, nous allas­mes au chasteau dudict Chantilly où nous trou­vasmes le Roy disnant, qui estoit illec venu en poste de Villers Coslretz pour veoir et visiter led. S' Connestable en la compagnye de Monseigneur le Duc de Guyse M, le Cardinal de Loraine '2) et Monsr d'Alby, son frere'3', et autres seigneurs et gentilz­hommes. Et après avoir par led. seigneur Roy disné, seroit enlré en la chambre dud. seigneur Connes­table, se seroit assis le long du lict dud. seigneur Connestable en une chaize, et led. Connestable en une autre; où illec le Roy auroit longuement parlé en secret aud. Connestable et par l'espace d'environ une heure. Ce faict, led. seigneur Cardinal auroit dict au Roy qu'il estoit une heure (sic), et qu'il estoit temps de partir et qu'ilz avoient douze lieues à fere. Tost après,.led. seigneur Roy auroit faict bonne chere et amytié aux enffans dud. seigneur Connes­table et entre autres à deux de ses petites filles, et auroit prinse la plus petite entre ses bras, et l'au­roit baisée. Ce faict, auroit faict troys révérences à Madame la Connestable et l'auroit baisée et prins congé d'elle. Ce faict, auroit vestu sa mante et prins son chappeau à sa teste et seroit sorty, luy et sa compagnie de lad. chambre, pour s'en retourner aud. Villers Costerelz. Led. seigneur Connestable que l'on portoit en une chaize à quatre hommes, convoya le Roy jusques à la porte du parc dud. Chantilly; et le Roy monta à cheval, osta son chap­peau de la teste, disant aud. seigneur Connestable : "A Dieu mon compère! Dieu vous doint bonne vie "et longue".
«Ce faict, nous retournasmes à la chambre dud.
seigneur Connestable, lequel se feist coucher en son lict pour soy rafreschir à cause qu'il estoit encores foible. Luy couché, mond. Sr le Prevost luy feist la reverence, et nous aussy. Ce faict, led. Sr Prevost luy deist et proposa ce qui s'ensuyt.
Salutation faitte à Monseigneur le Connestable.
Monseigneur,
"Comme representans le Corps universel de la "Ville de Paris, et par deliberation du Conseil "d'icelle, nous vous sommes venuz saluer de par la " Ville comme estans trés Joyeulx et trés aises de "vostre retour et prosperité après vostre grand ma­ladie, vous offrant tout ayde, secours et amityé "d'icelle Ville et habitans d'icelle".
"A quoy led. seigneur auroit trés reveremment remercié lad. Ville et habitans d'icelle, led. seigneur Prevost et sa Compagnie; et en prenant congé de luy, moy, Greffier de lad. Ville, pour tousjours en­tretenir et mettre les bourgeois et habitans d'icelle Ville [en la bonne grace] dud. Duc de Montmorancy, Per et Connestable, luy ay dict ce qui s'ensuyt :
Monseigneur,
"Je ne veulx obmettre de vous dire ct faire en­re tendre que pendant vostred. grande maladie, le « peuple de Paris a trés bien .faict son debvoir de faire " prier Dieu pour vous, Monseigneur, comme ilz sont "bien grandement tenuz : car, Monseigneur, vous avez "tousjours esté de vostre grace leur bon protecteur "et conservateur".
" Et sur ce, led. seigneur estant en sond, lict comme
led. s' Cardinal auroit dit au Roy qu'il estoit unze heures (sic) et qu'il estoit temps departir, et qu'ils avoientdouze lieues afaire. Tost après, led. s-r Roy feist bonne chere et recueul aux enffans dud. Connestable et entre autres à deux de sespetites filles, ct lors print la plus petite entre ses bras et la baisa. Ce f aict, feist trois révérences à Madame la Connestable, la baisa ct print congé d'elle, vestit sa mnnthe, mist son chappeau en sa teste, et dist aud.sr Connestable : k A Dieu, mon compère, Dieu vous doint bonne vie et longuen. Ce faict, mesd. S" de la Ville retournerent en la chambre dud. Connestable, lequel se feist coucher en son lict pour soy reffraichir à cause qu'il estoit encores faible. Auquel lict couché, aprocha mond. sr le Prevost des Marchans, luy feist la reverence avec sad. compaignée, et luy dist ce qui s'en suit.
Salutation faite à Monseigneur le Connestable. Monseigneur,
a Comme representans......, et la suite comme au texte.
De quoy led. s3' remercia trés reveremment lad. Ville et habitans d'icelle, led. s' Prevost et sad. compaignée. Et en prenant congé de lay,
led. Greffier pour tousjours entretenir les habitans de lad. ville en sa bonne grace, luy dist : «Monseigneur, Je ne veulx obmettre.....n.
Et sur ce, led. s-r osta son bonnet et acoustrement de teste, les tenant en ses mains, les larmes aux yeulx, auroit fait la responce qui s'en­suit : ct/e remereye la ville de Paris.....-. Et sur ce, nous aurions prins congé de luy ; el sur ce, auroit faict rappeller led. Greffier, ct
lui auroit dit que le Roy alloit faire la Saint Marlin aud. lieu de Chantilly, et qu'il feist quelque chose particidiere qu'i lui commanda, et que a depuis fait.
O François do Lorraine, duc de Guise (i5ig-i563), l'illustre défenseur de Metz contre Charles-Quint.
<-> Charles, cardinal de Lorraine : voir ci-dessus page i43, note 9.
(3) Louis de Lorraine (1027-1578), connu sous le nom de cardinal de Guise, fut pourvu de nombreuses abbayes et des sièges épis­copaux de Troyes, de Metz, d'Alby (i55o); il fut en outre archevèque de Sens et cardinal-prètre au titre de Saint-Thomas en 1553.